Simulan ang iyong new phone era.

Paano maglipat ng data sa pagitan ng mga Android phone¹:

Hakbang 1: Ikonekta ang parehong telepono nang wireless.

I-on ang iyong bago at dati nang mga Android phone.

Ang bago mong Android phone ay magbibigay sa iyo ng mga tagubilin sa screen para ikonekta ang luma mong device.²

Screen ng isang Android phone na may pamagat na “Mag-set up gamit ang ibang device” at “Para kopyahin ang mga setting, account, at higit pa mula sa ibang telepono o tablet, panatilihin ito sa malapit nang naka-unlock.” Makikita ang icon ng “maglipat” sa sulok sa itaas. Sa ibaba ng mensahe, may outline ng dalawang telepono. May asul na tatsulok sa isa at berdeng gear sa gitna ng isa pa.

Hakbang 2: I-activate ang iyong SIM at mag-sign in.

Pagkatapos, sundin ang mga tagubilin sa screen para i-activate ang iyong SIM, idagdag ang Google Account mo, at i-set up ang biometrics.

Larawan ng screen ng Android phone habang nasa proseso ng pag-activate ng SIM. May tatlong signal bar sa kaliwang sulok sa itaas ng screen. Text sa screen na nagsasabing “Kumonekta sa mobile network.” Mas maliit na text sa ibaba na nagsasabing “Mag-set up ng eSIM o maglagay ng SIM card ngayon.” May hyperlink na nagsasabing “Alamin kung paano gumamit ng SIM card.” Sa ibaba ng text, may larawang nagpapakita ng ibabang gilid ng telepono na may naka-highlight na SIM card port.

Hakbang 3: Piliin ang iyong data.

Pagkatapos nito, pipiliin mo kung anong data ang gusto mong kopyahin mula sa dati mong Android phone.

Screen ng isang Android phone na may pamagat na “Piliin kung ano ang kokopyahin.” May progress bar ng kung gaano karami na ang nailipat at naka-check off na listahan ng data na ililipat kabilang ang Mga App, Mga Contact, Mga Larawan at video, at Musika at iba pang audio.”

Hakbang 4: Ilipat ang iyong data.

'Yun na 'yun! Lilipat ang iyong data habang kinikilala mo ang bago mong telepono.

Screen ng isang Android phone na may pamagat na “Handa na ang lahat!” at mensaheng “Handa ka nang simulang gamitin ang iyong telepono.” Sa mismong ibaba nito, may naki-click na text ng link para sa “Mga setting ng pag-navigate sa system.”

Android Switch

Sa Pixel, puwede kang maglipat kahit na pagkatapos ng pag-set up.

Kung isa kang Pixel 9, Pixel 9 Pro, o Pixel 9 Pro Fold user, puwede mo na ngayong i-access ang Android Switch pagkatapos mong ma-set up ang iyong device.

Hanapin ito sa mga setting, o sa Google Play Store.

Humingi ng suporta

Tingnan ang aming Help Center para makakuha ng mga sagot. Para sa suporta ng concierge, puntahan ang mga link sa ibaba:

Pixel Samsung

Kung ginagamit mo ang Google Password Manager, masuwerte ka! Naka-install na ito sa bago mong device. Kung nagso-store ka ng mga password o passkey sa ibang password manager:

I-download ang iyong password manager
Pumunta sa mga setting at i-tap ang “mga password at account” (o hanapin ang “passwords”)
I-switch ang toggle sa tabi ng password manager na gusto mong i-enable

Kung nag-back up ka dati ng data gamit ang Google One, puwede kang mag-restore ng content, data, at mga setting mula sa lumang device, kahit na wala na ito sa iyo. Habang nagse-set up, laktawan ang “mag-set up gamit ang ibang device,” at piliing mag-restore ng data mula sa lumang device.

Siguraduhing kokonekta ka sa Wi-Fi network at magsa-sign in ka sa iyong Google account habang nagse-setup ng device para makita at mapili ang mga available mong backup.