Kung gusto mong ilipat ang iyong data mula sa iCloud papunta sa Google Account mo, bisitahin ang privacy.apple.com para humingi ng kopya ng mga larawan at video mo sa iCloud.

Sa Android phone mo, nagbibigay-daan sa iyo ang Backup by Google One na walang kahirap-hirap na i-back up ang mga larawan, video, contact, at mensaheng pinakamahalaga sa iyo, nang may hanggang 15GB ng secure na cloud storage na kasama sa Google Account mo. Puwede ka ring mag-subscribe sa Google One para sa higit pang storage at kapaki-pakinabang na feature mula sa mga produkto ng Google.

Para sa pakikipag-video call, puwede mong gamitin ang Google Meet app. Para sa pagbabahagi ng content sa iba pang device sa paligid mo, puwede mong gamitin ang Quick Share. At para sa pag-text, puwede mong gamitin ang Messages by Google, na tumutulong sa iyong manatiling konektado at magbahagi rin ng mga reaksyong emoji sa mga kaibigan mo sa iMessages.

Malilipat ang karamihan sa mga libreng app kapag gumamit ka ng cable para maglipat ng data. Para sa mga biniling app sa iyong iPhone, inirerekomenda naming makipag-ugnayan sa developer ng app.

Patuloy na gagana ang iyong mga kasalukuyang subscription pero papamahalaan pa rin ang pagsingil sa iyo kung paano ito pinapamahalaan ngayon — sa pamamagitan ng developer ng app o App Store.

Kapag naka-lock ang telepono mo, ligtas ang iyong data dahil sa pag-encrypt ng device — lalabas na magulo ang mga bagay sa sinumang magtatangkang manghimasok. Mapipili mo kung kailan magbabahagi ng sensitibong impormasyon sa mga app. Habang sinusuri ng Google Play Protect ang mga app mo araw-araw para makatulong na tuloy-tuloy na protektahan ka laban sa malware.

Puwede kang sumali sa anumang tawag sa FaceTime gamit ang Google Chrome. Kapag may tumawag sa iyo mula sa FaceTime, may matatanggap kang link. I-tap ang link at magbubukas ito sa Chrome. Ilagay ang iyong pangalan, i-tap ang “Magpatuloy,” payagan ang FaceTime na gamitin ang mikropono at camera mo, at i-tap ang “Sumali.” Kapag pinapasok ka ng host, ayos na ang lahat.

May makikita kang device na may mga bukod-tanging detalye para sa anumang pinakamahalaga sa iyo. Kaya dami man iyon ng megapixels sa iyong camera (kahit na sa camera sa harap!), tagal ng baterya at bilis ng pag-charge, resolution ng screen, o naghahanap ka man ng talagang matibay na telepono — Android ang bahala sa iyo.

Ang Help Center ay may nakalaang page tungkol sa kung ano ang maaasahan kapag lumipat ka sa Android. Makakahingi ka rin ng personal na tulong sa mga lokal na retailer, carrier, o store ng manufacturer.

Kung nagpaplano kang bumili ng Pixel, puwede mong tingnan ang Help Center ng Pixel, o makipag-ugnayan sa mga eksperto ng Google para makipag-usap sa telepono o makipag-chat. At kung nasa NYC ka, pumunta sa isa sa aming mga Google Store para magpatulong sa personal.

Gumamit ng Lightning to USB-C cable para ilipat ang iyong data. Kung wala kang compatible na cable, puwede kang bumili ng OTG adapter mula sa iba pang retailer o baka may mahihiram kang ganito sa carrier mo.

Sundin ang mga tagubiling ito kapag lumilipat sa Android 11 phone o mas luma:

1. I-download ang Google One app at tiyaking mayroon ang iPhone mo ng pinakabagong bersyon.

2. Mag-sign in sa Google One gamit ang iyong Google Account - Kung wala kang Google Account, puwede kang gumawa ng account.

3. I-sync ang iyong data sa pamamagitan ng pagpili ng mga larawan, contact, at event sa kalendaryo.

4. I-off ang iMessage® at FaceTime® sa Mga Setting sa iyong iPhone.

5. Mag-sign in sa bago mong Android phone at handa ka na. Awtomatikong magiging available sa iyong‏ mga app na Google Contacts, Calendar, at Photos ang lahat ng data mo.

Ilipat ang lahat ng iyong data at app sa bagong Android phone sa ilang hakbang lang.

Matuto pa tungkol sa paglipat sa bago mong Android device sa aming Help Center.